kise bataen ki kya gham raha hai aankhon mein
har ek silsila dirham raha hai aankhon mein
yahan na sawan o bhadon na jeTh hai na asaDh
bas ek KHun ka mausam raha hai aankhon mein
lahu ki aankh thi wo ya gulu-burida tha
ye kaise KHauf ka aalam raha hai aankhon mein
kabhi hai dard ka chehra kabhi sukun-e-nazar
ye ehtimam to paiham raha hai aankhon mein
Ghazal
Kise bataen ki kya gham raha hai aankhon mein
Ali Zaheer Lakhnavi