Kis ko lahad aur marg ka Dar ho

kis ko lahad aur marg ka Dar ho
ghar ka sa aaram agar ho

wo ho aur adu ka ghar ho
ro ro kar kis tarah sahar ho

haal mera is tarah digar ho
aah idhar ho wah udhar ho

har dam ho ehsas alam ka
dil sa hamara haal agar ho

mom ka sa ahwal ho dil ka
us ko agar allah ka Dar ho

us ka dil aur dard adu ka
kis ka dil aur kis ka ghar ho

hoga har dam dard ka sadma
dil go lakh aaram ka ghar ho