kis ke jalwon ne dikhai wadi-e-ulfat mujhe
khinche hai ek bholi-bhaali sanwli surat mujhe
mai-kade se uTh ke kal mabad mein ja baiTha tha main
ghairon ki majlis mein yaro le gai wahshat mujhe
kaTta hai din us ke hi dilkash KHayalon mein sada
shab mile hai KHwab mein koi pari-talat mujhe
hasil-e-umr-e-rawan dagh-e-tamanna hai faqat
ishq-e-nargis mein rahi hai KHwahish-e-waslat mujhe
ai 'jalali' barha DhunDa tujhe viranon mein
kab mayassar hoti hai wahshi teri sohbat mujhe
Ghazal
Kis ke jalwon ne dikhai wadi-e-ulfat mujhe
Rauf Yasin Jalali