kina jo tere dil mein bhara hai so kidhar jae
mumkin hai kahin sang ke pahlu se sharar jae
taDpun hun tamashe ko mere haT ke khaDa ho
daman ko sambhaal apne mere KHun se na bhar jae
kahta hai koi barq koi shola-e-atish
ek dam tu Thahar jae to ek baat Thahar jae
mat munh se 'nisar' apne ko ai jaan bura kah
hai sahab-e-ghairat kahin kuchh kha ke na mar jae
Ghazal
Kina jo tere dil mein bhara hai so kidhar jae
Mohammad Amaan Nisar