ki justuju to ek naya ghar mila mujhe
barson ke baad mera muqaddar mila mujhe
jab tishnagi baDhi to masiha na tha koi
jab pyas bujh gai to samundar mila mujhe
duniya mere KHilaf nabard-azma rahi
lekin wo ek shaKHs barabar mila mujhe
zaKHm-e-nigah zaKHm-e-hunar zaKHm-e-dil ke baad
ek aur zaKHm tujh se bichhaD kar mila mujhe
nazuk-KHayaliyon ki mujhe ye saza mili
shisha tarashne ko bhi patthar mila mujhe
Ghazal
Ki justuju to ek naya ghar mila mujhe
Akhtar Saeedi