KHwahish-e-baal-o-par mein rahta hai
mutmain kaun ghar mein rahta hai
lamha lamha safar mein rahta hai
chand kab kis nagar mein rahta hai
jaan-e-jaan aaj-kal tera qatil
kucha-e-chaara-gar mein rahta hai
bhul jaun use magar kaise
wo jo meri nazar mein rahta hai
hum to sahra-naward hain 'manzar'
KHauf diwar-o-dar mein rahta hai
Ghazal
KHwahish-e-baal-o-par mein rahta hai
Jawed Manzar