KHwab se dil-lagi na kar lena
nind se dushmani na kar lena
aaj se zindagi tumhaari hai
tum magar KHud-kushi na kar lena
dard baDh jae to dawa lena
zaKHm se dosti na kar lena
wasl ki shab bhale hi kali ho
hijr mein raushni na kar lena
zalzale bhi udas hote hain
dil ki basti ghani na kar lena
sath paDhti ho Thik hai lekin
dost se dosti na kar lena
Ghazal
KHwab se dil-lagi na kar lena
Shahbaz Rizwi