KHushbu hain to har daur ko mahkaenge hum log
miTTi hain to pal bhar mein bikhar jaenge hum log
ye shoala-e-be-mehr to bas aanch hi dega
han aur tere husn se kya paenge hum log
kya hum se bachoge ki jidhar jaenge nazren
is aaina-KHane mein jhalak jaenge hum log
kahna hai ye na-qadri-e-arbab-e-jahan se
ek bar jo bikhre to na hath aaenge hum log
baiTho ki abhi hai ye ghani chhanw mayassar
Dhalta hua saya hain guzar jaenge hum log
hum ruh-e-safar hain hamein namon se na pahchan
kal aur kisi nam se aa jaenge hum log
Ghazal
KHushbu hain to har daur ko mahkaenge hum log
Razi Akhtar Shauq