KHud se main be-yaqin hua hi nahin
aasman tha zamin hua hi nahin
ishq kahte hain sab jise hum se
wo gunah-e-hasin hua hi nahin
wasl bhi us ka us ke jaisa tha
jo guman se yaqin hua hi nahin
KHana-e-dil sara ki surat hai
koi is mein makin hua hi nahin
lakh chaha magar suKHan mera
qabil-e-afrin hua hi nahin
main bhi KHud ko sanwarta 'mohsin'
aaina nukta-chin hua hi nahin
Ghazal
KHud se main be-yaqin hua hi nahin
Aas Mohammad Mohsin