KHirad ko aazmana chahta hun
junun ki zad pe lana chahta hun
jo thi hasil teri mahfil se pahle
usi KHalwat mein jaana chahta hun
na hon jis mein numayan haal-o-mazi
koi aisa zamana chahta hun
teri KHatir jinhen begana samjha
unhen apna banana chahta hun
mohabbat par pae-tark-e-mohabbat
koi tohmat lagana chahta hun
Ghazal
KHirad ko aazmana chahta hun
Shakeel Badayuni