KHayalat rangin nahin bolte usko jyun bas phulon ke rangon mein rahiye

KHayalat rangin nahin bolte us ko jyun bas phulon ke rangon mein rahiye
do-rangi sun jaana guzar dil sun awwal bazan ja ke wan ek rangon mein rahiye

wo wahshat ke jangal mein ho kar pareshan pahaDon se gham ke na ho sang hargiz
sharar ho ke chhiD sang tinke sun jaldi sakal ruh ho barq rangon mein rahiye

nahin mauj-e-dariya ki dahshat use jo ki mara hai ghota ho ghawwas dil mein
tah-e-bahr-e-wahdat mein ghawwas hone ko talim pane nahangon mein rahiye

shahadat mile chaar tan sun tujhe gar kare qatl tu panch muziyan kun dil ke
shahidon ki rah sath har waqt hamdam ho jyun sher sheran jangon mein rahiye

falak charKH-e-kaj-rau sun dekhe agar KHub nai-rangbazi zamane ki hikmat
guzar ghair sohbat sun madhosh ho ja pahaDon mein ja kar bhujangon mein rahiye

samajh ai 'alim' aaj rah-e-haqiqat nipaT saKHt mushkil hai jaan sun guzarna
patang ho ke jalne mein wasil rahen haq sun ho mard-e-wahid yakangon mein rahiye