KHair se ab hai wahan aap ka bimar ki bas
is qadar der laga di mere sarkar ki bas
ser hota hi nahin zauq-e-tamasha lekin
mujh se kahti hai meri jurat-e-didar ki bas
hijr ke nam pe bhi wasl ke unwan se bhi
ishq ne itne diye hain mujhe aazar ki bas
kis qadar thi wo nazar aaina-kirdar na puchh
is qadar chur hua hai but-e-pindar ki bas
na gham-e-dil ke hi bas ke na gham-e-dauran ke
itne aazad hue tere giraftar ki bas
Ghazal
KHair se ab hai wahan aap ka bimar ki bas
Dil Ayubi