KHak nind aae agar dida-e-bedar mile
is KHarabe mein kahan KHwab ke aasar mile
us ke lahje mein qayamat ki fusun-kari thi
log aawaz ki lazzat mein giraftar mile
us ki aankhon mein mohabbat ke diye jalte rahen
aur pindar mein inkar ki diwar mile
mere andar use khone ki tamanna kyun hai
jis ke milne se meri zat ko izhaar mile
ruh mein rengti rahti hai gunah ki KHwahish
is amarbel ko ek din koi diwar mile
Ghazal
KHak nind aae agar dida-e-bedar mile
Saqi Faruqi