Kaun se din teri yaad ai but-e-saffak nahin

kaun se din teri yaad ai but-e-saffak nahin
kaun si shab hai ki KHanjar se jigar chaak nahin

lutf-e-qatil mein tammul nahin par kya kije
sar-e-shorida mera qabil-e-fitrak nahin

tujh par ai dilbar-e-alam jo har ek marta hai
is liye marne se mere koi ghamnak nahin

dil hua pak to phir kaun nazar karta hai
aur dil pak nahin hai to nazar pak nahin

ilm aur jahl mein kuchh farq na ho kya mani
hum bhi bebak hain par ghair se bebak nahin

qais ko fazl-e-taqaddum hai wagarna yan kya
sar-e-shorida nahin ya jigar-e-chaak nahin

ma-siwa allah na rahe 'shefta' hargiz dil mein
khusrawi kaKH saza-e-KHas-o-KHashak nahin