kaun sa rang iKHtiyar karen?
KHud ko chahen ki tujh se pyar karen?
bhiD mein jo bichhaD gae hum se
sham Dhalne ka intizar karen
pattharon se moamla Thahra
sar-kashi kyun na iKHtiyar karen?
raushni ka yahi taqaza hai
mere sae mujhi pe war karen
gum hai tanhaiyon mein shahr ka shahr
kaise in jangalon ko par karen
jab haqiqat bhi KHwab ho 'shabnam'
kyun na KHwabon ka e'tibar karen
Ghazal
Kaun sa rang iKHtiyar karen?
Shabnam Rumani