kashti hai tabah dil-shudaon ki
lena KHabar apne be-KHudon ki
ai sarw-sahi ke ek gulshan
chaliyo mat chaal KHush-qadon ki
kyun-kar wo kare suluk hum se
KHatir hai aziz hasidon ki
tamir kunisht-e-dil hua jab
zahid na bina thi masjidon ki
kahna mat man waizon ka
behuda hai baat behudon ki
daDhi na rahegi shaiKH-sahib
sohbat mein na baiTho amradon ki
Ghazal
Kashti hai tabah dil-shudaon ki
Joshish Azimabadi