karb aankhon se ayan dil mein kasak baqi hai
tere jaane ki KHalish aaj talak baqi hai
us ki KHwahish ka shajar KHushk nahin ho sakta
jis ki har shaKH-e-tamanna mein lachak baqi hai
phir kisi sham ke ruKHsar pe rakh dega wo
din ke chehre pe jo thoDa sa namak baqi hai
sainkaDon bar 'nasim' us ko to dekha hai magar
phir bhi lagta hai abhi ek jhalak baqi hai
Ghazal
Karb aankhon se ayan dil mein kasak baqi hai
Naseem Ahmad Naseem