kaliyon ki tarah dhula dhula hai
wo jism shumal mein bana hai
gul-bar hain zulf o shana us ke
qamat mein wo tawil o dilruba hai
lamhon ke samundar mein jaise
bahta hua chand aa raha hai
honTon se wo dekhta hai mujh ko
aankhon se mujhe pukarta hai
guzri hai ramon mein umr meri
hirnon se mera muashiqa hai
'jamshed' sambhal ke us badan par
bas KHanda-e-surKH ki rida hai
Ghazal
Kaliyon ki tarah dhula dhula hai
Jamshed Masroor