kal ka wada na karo dil mera bekal na karo
kal paDegi na mujhe mujh se ye kal kal na karo
kahin jala de na use shola-e-ah-e-ashiq
palkon ki TaTTi ke tain aankhon ki ojhal na karo
kar chuki tegh-e-nigah kaam to pal hi mein tamam
tir palkon ka muqabil mere pal pal na karo
us ko har shab hai zawal us ko nahin hai kuchh naqs
badr ko chehre se us ke mutamassil na karo
dukh na pawe kahin wo naznin-gardan pyare
takiya zinhaar sar-e-baalish-e-maKHmal na karo
Ghazal
Kal ka wada na karo dil mera bekal na karo
Aftab Shah Alam Sani