kaisi bala-e-jaan hai ye mujh ko badan kiye hue
miTTi ke is bides ko apna watan kiye hue
mere lab-e-wajud par sukhe paDe hue hain lafz
maujon zamana ho gaya us se suKHan kiye hue
aaya tha ek gul-e-visal daman-e-hijr mein kabhi
main hun us ek phul ko apna chaman kiye hue
us ki taraf se aaj tak shor na KHamushi koi
kab se hun us KHala ki samt ru-e-suKHan kiye hue
Ghazal
Kaisi bala-e-jaan hai ye mujhko badan kiye hue
Farhat Ehsas