kaise afsun the wahan kaise fasane the udhar
zindagi tujh se talluq ke bahane the udhar
kya ajab KHwab ke KHushbu ke Thikane the udhar
ab to kuchh yaad nahin kaun zamane the udhar
ye nahin yaad ki wo bagh tha kis kuche mein
is qadar yaad hai kuchh phul khilane the udhar
ek basti thi hui waqt ke andoh mein gum
chahne wale bahut apne purane the udhar
hum idhar aae to wo arz-e-karam chuTegi
mamlikat ishq ki thi gham ke KHazane the udhar
Ghazal
Kaise afsun the wahan kaise fasane the udhar
Ain Tabish