kahaniyan KHamosh hain paheliyan udas hain
hansi-KHushi ke din gae haweliyan udas hain
kabhi kabhi to bagh mein chala aa ghumta hua
ki TuTne ki chah mein chameliyan udas hain
phalon ke bojh se lachak gai hain Daliyan magar
abhi talak gulab si hatheliyan udas hain
ye chandni bahaar ye kali ye jhil ye faza
tere baghair teri sab saheliyan udas hain
jhulas gaya hai peD ye hina ka jab se dhup mein
hamare ganw ki nai-naweliyan udas hain
Ghazal
Kahaniyan KHamosh hain paheliyan udas hain
Ateeq Anzar