kabhi sarab karega kabhi ghubar karega
ye dasht-e-jaan hai miyan ye kahan qarar karega
abhi ye bij ke manind phuTta hua dukh hai
bahut dinon mein koi shakl iKHtiyar karega
ye KHud-pasand sa gham hai so ye umid bhi kam hai
ki apne bhed kabhi tujh pe aashkar karega
tamam umr yahan kis ka intizar hua hai
tamam umr mera kaun intizar karega
nashe ki tarah mohabbat bhi tark hoti nahin hai
jo ek bar karega wo bar bar karega
Ghazal
Kabhi sarab karega kabhi ghubar karega
Saud Usmani