kabhi kisi ko mukammal jahan nahin milta
kahin zamin kahin aasman nahin milta
tamam shahr mein aisa nahin KHulus na ho
jahan umid ho is ki wahan nahin milta
kahan charagh jalaen kahan gulab rakhen
chhaten to milti hain lekin makan nahin milta
ye kya azab hai sab apne aap mein gum hain
zaban mili hai magar ham-zaban nahin milta
charagh jalte hain binai bujhne lagti hai
KHud apne ghar mein hi ghar ka nishan nahin milta
Ghazal
Kabhi kisi ko mukammal jahan nahin milta
Nida Fazli