kabhi jo marka KHwabon se rat-jagon ka hua
ajib silsila aankhon se aansuon ka hua
jala ke chhoD gaya tha jo taq-e-dil mein kabhi
kisi ne puchha na kya haal un diyon ka hua
likha gaya hai mera nam dushmanon mein sada
shumar jab bhi kabhi mere doston ka hua
mazaq uDate the aandhi se pahle sab mera
jo mere ghar ka tha phir haal sab gharon ka hua
badal rahi hain mere hath ki lakiren phir
kaha na ab ke bhi shayad najumiyon ka hua
wafa-shiar tabiat ka ye sila hai 'nur'
meri hayat ka har lamha dusron ka hua
Ghazal
Kabhi jo marka KHwabon se rat-jagon ka hua
Shahnaz Noor