kab talak yun dhup chhanw ka tamasha dekhna
dhup mein phirna ghane peDon ka saya dekhna
sath us ke koi manzar koi pas-e-manzar na ho
is tarah main chahta hun us ko tanha dekhna
raat apne dida-e-giryan ka nazzara kiya
kis se puchhen KHwab mein kaisa hai dariya dekhna
is ghaDi kuchh sujhne degi na ye pagal hawa
ek zara aandhi guzar jae to huliya dekhna
khul ke ro lene ki fursat phir na us ko mil saki
aaj phir 'anwar' hansega be-tahasha dekhna
Ghazal
Kab talak yun dhup chhanw ka tamasha dekhna
Anwar Masood