kab tak mahkegi be-as gulabon mein
mar jaegi KHushbu band kitabon mein
kabhi darun-e-zat ke manzar the in mein
kankar hi kankar hain ab talabon mein
hath lagate hi miTTi ka Dher hue
kaise kaise rang bhare the KHwabon mein
girti jae rishton ki mazbut fasil
naKHlistan badalta jae sarabon mein
zehnon mein tashwish dilon mein KHauf bahut
sari basti hai mahsur azabon mein
aai hisabon mein jab duniya ki tasKHir
ek lamha ghaeb tha sabhi hisabon mein
Ghazal
Kab tak mahkegi be-as gulabon mein
Khaavar Ejaz