kab apne hone ka izhaar karne aati hai
ye aag mujh ko numudar karne aati hai
main din mein KHwab banata hun rang rang ke KHwab
magar ye raat unhen mismar karne aati hai
andhera jata hai jab bhi ulaT-palaT ke mujhe
to raushni mujhe hamwar karne aati hai
hawa-e-kucha-e-duniya main jaanta hun tujhe
tu jab bhi aati hai bimar karne aati hai
jo dil se hoti hui aa rahi hai meri taraf
ye lahr mujh ko KHabar-dar karne aati hai
Ghazal
Kab apne hone ka izhaar karne aati hai
Kashif Majeed