kash hoti na ye KHata hum se
kyun hui arz-e-muddaa hum se
ek teri yaad ka sahaara tha
wo bhi ab ho gai juda hum se
umr guzri manane mein un ke
wo KHafa se rahe sada hum se
TuT kar hi raha dil-e-nadan
koi chaara na ho saka hum se
manzil-e-shauq mil chuki un ko
mil gae jin ko rahnuma hum se
phul toDe hain aap ne lekin
KHar uljhe hain barha hum se
jaan-e-alam tujhe 'hazin' ki qasam
ab na hona kabhi KHafa hum se
Ghazal
Kash hoti na ye KHata humse
Hans Raj Sachdev u0027hazii.nu0027