jo ye jism sar-ta-qadam dekhte hain
tumhen tum ko hum ai sanam dekhte hain
ye sab aap hi ki hai guft-o-shunid
jo gosh-o-zaban-o-qalam dekhte hain
aur aapi ka hai sab ye jalwa miyan
jo pesh-e-nazar dam-ba-dam dekhte hain
jo hain mahw-e-didar hum is qadar
ye aapi ka lutf-o-karam dekhte hain
piya jab se jam-e-sharab-e-tahura
tabhi se to dam hain adam dekhte hain
tan-o-jaan-o-dil jumla-harkat mein
shah-e-qul-ho-allah ko hum dekhte hain
tumhein ho 'safi' shah-e-mardan ki did
na hum besh dekhen na kam dekhte hain
Ghazal
Jo ye jism sar-ta-qadam dekhte hain
Mardan Safi