jo kahte hain kidhar diwangi hai
unhin ki ham-safar diwangi hai
tawakkul be-niyazi sath hon to
gham-e-diwar-o-dar diwangi hai
sisakte KHwab aankhon mein basa kar
sitaron par nazar diwangi hai
kamal-e-admi aagahi-e-kal
maal-e-dida-war diwangi hai
duaen bais-e-taskin hain lekin
tamanna-e-asar diwangi hai
hawaen tir ki manind hon jab
yaqin-e-baal-o-par diwangi hai
ye shahr-e-tajiran-e-dad-e-dil hai
talash-e-chaaragar diwangi hai
Ghazal
Jo kahte hain kidhar diwangi hai
Abid Akhtar