jism ki kuchh aur abhi miTTi nikal
aur abhi gahrai se pani nikal
ai KHuda meri ragon mein dauD ja
shaKH-e-dil par ek hari patti nikal
bhej phir se apni aawazon ka rizq
phir mere sahra se ek basti nikal
mujh se sahil ki mohabbat chhin le
mere ghar ke bich ek naddi nikal
main samundar ki tahon mein qaid hun
mere andar se koi kashti nikal
Ghazal
Jism ki kuchh aur abhi miTTi nikal
Farhat Ehsas