jism ka bojh uThae hue chalte rahiye
dhup mein barf ki manind pighalte rahiye
ye tabassum to hai chehron ki sajaT ke liye
warna ehsas wo dozaKH hai ki jalte rahiye
ab thakan panw ki zanjir bani jati hai
rah ka KHauf ye kahta hai ki chalte rahiye
zindagi bhik bhi deti hai to qimat le kar
roz fariyaad ka andaz badalte rahiye
Ghazal
Jism ka bojh uThae hue chalte rahiye
Meraj Faizabadi