ji mein aata hai ki ek roz ye manzar dekhen
samne tujh ko biThaen tujhe shab-bhar dekhen
band hai sham se hi shahr ka har darwaza
aa shab-e-hijr ki ab aur koi ghar dekhen
aise hum dekhte hain dil ke ujaDne ka saman
jis tarah dasiyan jalta hua mandar dekhen
mere jangal mein hi mangal ka saman hai paida
shahr ke log mere ganw mein aa kar dekhen
Ghazal
Ji mein aata hai ki ek roz ye manzar dekhen
Saleem Betab