jaisi KHwahish hoti he kab hota he
chhoDo bhi ab yar chalo sab hota he
hum be-kar hi sahme sahme rahte hain
jo hona hota hai jab jab hota he
meri buDhi dadi aksar kahti thin
koi nahin hota jis ka rab hota he
dil basti ko ujDe barson bit gae
yaad charaghan ab bhi har shab hota he
sare shaer sher kahan kah pate hain
aksar to lafzon ka kartab hota he
Ghazal
Jaisi KHwahish hoti he kab hota he
Farooq Bakshi