jahan dariya kahin apne kinare chhoD deta hai
koi uThta hai aur tufan ka ruKH moD deta hai
mujhe be-dast-o-pa kar ke bhi KHauf us ka nahin jata
kahin bhi hadisa guzre wo mujh se joD deta hai
bichhaD ke tujh se kuchh jaana agar to is qadar jaana
wo miTTi hun jise dariya kinare chhoD deta hai
mohabbat mein zara si bewafai to zaruri hai
wahi achchha bhi lagta hai jo wade toD deta hai
Ghazal
Jahan dariya kahin apne kinare chhoD deta hai
Waseem Barelvi