jab mila yar tu aghyar seti kya matlab
gul mayassar hua tab KHar seti kya matlab
gul-badan ke gul-e-ruKHsar ka jo hai bulbul
us kun nazara-e-gulzar seti kya matlab
gardish-e-chashm ne saqi ki liya hosh tamam
ab mujhe KHana-e-KHummar seti kya matlab
mujh kun likhna hai sirijan kun mere nama-e-surKH
nin to is dida-e-KHun-bar seti kya matlab
jis ne 'daud' naja nang ho diwana-e-ishq
us kun ruswai-e-sangsar seti kya matlab
Ghazal
Jab mila yar tu aghyar seti kya matlab
Daud Aurangabadi