jab koi mehrban hota hai
dil bahut KHush-guman hota hai
jis ke pairon tale zamin nahin
us ka sara jahan hota hai
rasta sach ka hai kaThin pyare
har qadam imtihan hota hai
chiKH uThti hain ghar ki diwaren
dard kab be-zaban hota hai
achchhi lagti hai dhup ki shiddat
sar pe jab saeban hota hai
ek patti bhi TuTne se 'majid'
gham-zada baghban hota hai
Ghazal
Jab koi mehrban hota hai
Abdul Majeed Khan Majeed