jab aaftab ki aag is zamin ko chaTegi
makan ki khoj mein saDkon pe bhiD bhagegi
main dekhta hi rahunga tere sarapa ko
jab aankh soegi meri nigah jagegi
jo Das rahi hai abhi jagti nigahon ki
sawera hote hi wo raat zahr khaegi
jo sona chaho to darwaze band kar lena
khula rahega ye kamra to dhup jhankegi
labon pe nind ka ghalbe agar hua 'shaariq'
yaqin hai mere qalam ki zaban jagegi
Ghazal
Jab aaftab ki aag is zamin ko chaTegi
Shariq Jamal