jate hi ho gar KHwah-naKHwah
fabiha behtar bismillah
yak shab dekhi jin ne wo zulf
lakhon dekhe roz-e-siyah
itni to mat ho jald nasim
hum bhi chaman tak hain ham-rah
dushman rahwen baada baghair
ta hai KHirqa aur kulah
kaunde hai dil par barq si aaj
pesh-e-nazar hai kis ki nigah
wada kar ke raat ka tum
KHub hi aae wah ji wah
'qaem' se koi ho hai KHafa
banda, KHadim, daulat-KHwah
Ghazal
Jate hi ho gar KHwah-naKHwah
Qayem Chandpuri