itni shiddat se gale mujh ko lagaya hua hai
aisa lagta hai ki waqt aaKHiri aaya hua hai
kyun na is baat pe ho jaen ye aankhen pagal
nind bhi utri hui KHwab bhi aaya hua hai
ab ke holi pe laga rang utarta hi nahin
kis ne is bar hamein rang lagaya hua hai
sochta hun ki use KHud ko main inam karun
ek laDki ne tera bhes banaya hua hai
aankh mein beTi ke aaya tha magar dekho 'ziya'
ek aansu ne hamein kitna rulaya hua hai
Ghazal
Itni shiddat se gale mujhko lagaya hua hai
Zia Zameer