itab-o-qahr ka har ek nishan bolega
main chup raha to shikasta makan bolega
abhi hujum hai us ko julus banne de
tere KHilaf har ek be-zaban bolega
hamari chiKH kabhi be-asar nahin hogi
zamin KHamosh sahi aasman bolega
jo tum subut na doge azab ke din ka
gawah ban ke ye sara jahan bolega
kabhi to aaega wo waqt bhi 'zaki' tariq
yaqin ban ke hamara guman bolega
Ghazal
Itab-o-qahr ka har ek nishan bolega
Zaki Tariq