ishq mein ye majburi to ho jati hai
duniya ghair-zaruri to ho jati hai
ek ana-e-be-chehra ke badle mein
chaliye kuchh mashhuri to ho jati hai
dil aur duniya donon ko KHush rakhne mein
apne-ap se duri to ho jati hai
lafzon mein KHali jaghen bhar lene se
baat adhuri, puri to ho jati hai
jazba hai jo roz ke zinda rahne ka
hum se wo mazduri to ho jati hai
Ghazal
Ishq mein ye majburi to ho jati hai
Aftab Iqbal Shamim