ishq mein kuchh nahin dawa se nafa
kuDhiye kab tak na ho bala se nafa
kab talak in buton se chashm rahe
ho rahega bas ab KHuda se nafa
main to ghair az zarar na dekha kuchh
DhunDho tum yar o aashna se nafa
mughtanim jaan gar kisu ke tain
pahunche hai tere dast o pa se nafa
ab faqiron se kah haqiqat-e-dil
'mir' shayad ki ho dua se nafa
Ghazal
Ishq mein kuchh nahin dawa se nafa
Mir Taqi Mir