ishq ka dard-e-be-dawa hai ye
jaane teri bala ki kya hai ye
mar Dalegi ek aalam ko
teri ai shoKH gar ada hai ye
har dam aata hai aur hi saj se
kya hi allah mirza hai ye
chahiye us ka sharbat-e-didar
ki tap-e-ishq ki dawa hai ye
us sitam-pesha mehr dushman ki
mere upar agar jafa hai ye
is mein us ki to kuchh nahin taqsir
chahne ki mere saza hai ye
dil-e-'bedar' ko to luT liya
zulf hai ya koi bala hai ye
Ghazal
Ishq ka dard-e-be-dawa hai ye
Meer Mohammadi Bedar