Ishq apna ajab tamasha hai

ishq apna ajab tamasha hai
ek jahan hai ki hum ko takta hai

jaise be-man ke tifl ho ye dil
aaj kuchh is tarah se sahma hai

tujh ko pa kar bhi shad kab tha dil
tujh ko kho kar bhi hath malta hai

aao us des mein chalen jis ja
ishq tapta hai rup jalta hai

ek hi rup ke hayule hain
gah 'saifu' hai gah 'mira' hai

kitna nazuk hai aabgina-e-dil
ghuncha chaTke to aur dukhta hai

be-KHatar hai 'azim' har gham se
us pe aal-e-nabi ka saya hai