in dinon KHud se faraghat hi faraghat hai mujhe
ishq bhi jaise koi zehni suhulat hai mujhe
main ne tujh par tere hijran ko muqaddam jaana
teri jaanib se kisi ranj ki hasrat hai mujhe
KHud ko samjhaun ki duniya ki KHabar-giri karun
is mohabbat mein koi ek musibat hai mujhe
dil nahin rakhta kisi aur tamanna ki hawas
aisa ho pae to kya is mein qabahat hai mujhe
ek be-nam udasi se bhara baiTha hun
aaj ji khol ke ro lene ki hajat hai mujhe
Ghazal
In dinon KHud se faraghat hi faraghat hai mujhe
Anjum Saleemi