Ilaj koi jahan ka na sazgar aaya

ilaj koi jahan ka na sazgar aaya
kisi tarah bhi na dil ko mare qarar aaya

payam maut ka le kar KHayal-e-yar aaya
ajal ki god mein hi zist ko qarar aaya

nigah-e-lutf ke talib hain jo wo hain kam-zarf
hamein to ulTa jafaon pe teri pyar aaya

ye kis ki yaad se raushan hui meri duniya
ye kis ka nam mere lab pe bar bar aaya

KHushi se baDh ke qadam mere aablon ne liye
koi jo rah-e-mohabbat mein KHarzar aaya

na koi lauT ke aaya dayar-e-ulfat se
jo koi aaya bhi 'nayyar' ba-haal-e-zar aaya