ek tamanna hai KHamoshi ke kaTahre kitne
dil ki dahliz pe ehsas ke pahre kitne
kitne gahre hain ki ek umr lagi bharne mein
waise lagte hain sabhi zaKHm ikahre kitne
sab ne dekhe mere honTon pe tabassum ke gulab
kis ne dekha hai mere zaKHm hain gahre kitne
kitne arman ka lahu in mein basa hai 'sayyad'
yun to lagte hain sabhi KHwab sunahre kitne
Ghazal
Ek tamanna hai KHamoshi ke kaTahre kitne
Syed Shakeel Desnavi