ek bosa dijiye mera iman lijiye
go but hain aap bahr-e-KHuda man lijiye
dil le ke kahte hain teri KHatir se le liya
ulTa mujhi pe rakhte hain ehsan lijiye
ghairon ko apne hath se hans kar khila diya
mujh se kabida ho ke kaha pan lijiye
marna qubul hai magar ulfat nahin qubul
dil to na dunga aap ko main jaan lijiye
hazir hua karunga main akasr huzur mein
aaj achchhi tarah se mujhe pahchan lijiye
Ghazal
Ek bosa dijiye mera iman lijiye
Akbar Allahabadi